கோ-ஆப்டெக்ஸ் நிறுவனத்தில் இளநிலை உதவியாளர் மற்றும் விற்பனை உதவியாளர் வேலை

தமிழ்நாடு கைத்தறி நெசவாளர் கூட்டுறவு சங்கம் மூலம் கோவை, கடலூர், மதுரை, சென்னை, சேலம், தஞ்சாவூர், திருநெல்வேலி, வேலூர், சென்னை (தலைமை அலுவலகம்) ஆகிய இடங்களில் இயங்கி வரும் கோ-ஆப்டெக்ஸ் நிறுவனத்தில் இளநிலை உதவியாளர் பணியில் சேர விரும்புவோர் பி.ஏ அல்லது பி.எஸ்.சி அல்லது பி.காம் அல்லது பி.பி.ஏ அல்லது பி.சி.ஏ அல்லது பி.பி.எம் பட்டத்துடன் கோ-ஆப்ரேட்டிவ் மேனேஜ்மென்ட் துறையில் டிப்ளமோ அல்லது பி.ஜி டிப்ளமோ படித்திருக்க வேண்டும். கோ-ஆப்ரேட்டிவ் மேனேஜ்மென்ட் துறையில் இளநிலைப் பட்டம் படித்தவர்களும் இந்த பணிக்கு விண்ணப்பிக்கலாம். விற்பனை உதவியாளர் பணியில் சேர விரும்புவோர் 12 ஆம் வகுப்பு தேர்ச்சி பெற்றிருக்க வேண்டும். இரண்டு பணிகளுக்கும் 28 வயதிற்குட்பட்டவர்களாக இருக்க வேண்டும். ஆதிதிராவிடர், மிகவும் பிற்படுத்தப்பட்டோர், சீர்மரபினர் மற்றும் பிற்படுத்தப்பட்டோர்க்கு வயது வரம்பில் இருந்து 5 ஆண்டுகள் விலக்கு அளிக்கப்படும்.
காலியிடங்கள்:
இளநிலை உதவியாளர் – 25 (கோவை - 04, கடலூர் - 02, மதுரை - 01, சென்னை - 01, சேலம் - 02, தஞ்சாவூர் - 03, திருநெல்வேலி - 01, வேலூர் - 02, சென்னை (தலைமை அலுவலகம்) – 09)
விற்பனை உதவியாளர் – 30 (கோவை – 10, மதுரை – 10, சேலம் – 10)
விண்ணப்பிப்பது எப்படி?.
www.cooptex.com எங்கிற இணையதளத்தில் கொடுக்கப்பட்டுள்ள மாதிரி விண்ணப்பப் படிவத்தினை பதிவிறக்கம் செய்து பூர்த்தி செய்த விண்ணப்பங்களை கீழே கொடுக்கப்பட்டுள்ள முகவரிக்கு அனுப்பி வைக்க வேண்டும். அனுப்பும் முன், விண்ணப்ப கவரின் மேல் "Application for the post of Junior Assistant/ Marketing Assistant"  என்று தவறாமல் குறிப்பிடவும்.
மேலாண்மை இயக்குநர், தமிழ்நாடு கைத்தறி நெசவாளர் கூட்டுறவு சங்கம் லிட், கோ-ஆப்டெக்ஸ் தலைமை அலுவலகம், 350, பாந்தியன் சாலை, எழும்பூர், சென்னை – 8
விண்ணப்பங்களை அனுப்ப கடைசி தேதி: 08.05.2015 (மாலை 5.45 மணிக்குள்)