மத்திய அரசு தேர்வாணையத்தால் கடந்த ஆகஸ்ட் மாதம் 23 ஆம் தேதி நடத்தப்பட்ட முதல்நிலை தேர்வில், மனிதநேய பயிற்சி மையத்தில் 127 மாணவ – மாணவிகள் தேர்வு பெற்றுள்ளனர். இதில் 54 மாணவிகள், 73 மாணவர்கள் என்பது குறிப்பிடத்தக்கது.
இந்த முதல்நிலை தேர்வில், தேர்ச்சி பெற்றுள்ள அனைத்து மாணவர்களுக்கும், முதன்மை தேர்வுக்கு பயிற்சி வகுப்புகள் இலவசமாக தொடர்ந்து நடத்தப்பட உள்ளன. மனிதநேயத்தில் பயிற்சி பெறாத பிற மாணவர்களும் இப்பயிற்சியில் கலந்து பயன்பெறலாம்.
விண்ணப்பிப்பது எப்படி?.
இப்பயிற்சியில் கலந்துகொள்ள விரும்பும் தேர்ச்சி பெற்ற மாணவ – மாணவிகள், தங்களுடைய "பாஸ்போர்ட்" அளவு புகைப்படம், எழுத்து தேர்வுக்கான நுழைவுச்சீட்டு ஆகியவற்றுடன் சென்னை சி.ஐ.டி நகர், முதல் பிரதான சாலையில் உள்ள மனிதநேயம் ஐ.ஏ.எஸ் கட்டணமில்லா பயிற்சி மைய அலுவலகத்தில் நேரில் சென்று பதிவு செய்யலாம்.
பயிற்சியின் போது தங்கும் வசதி, உணவு, போக்குவரத்து வசதி, தினசரி செய்தித்தாள்கள் (தமிழ், ஆங்கிலம்), பாட குறிப்புகள் போன்ற வசதிகள் அனைத்தும் இலவசம்.
No comments:
Post a Comment