தமிழ்நாடு குடிநீர் வடிகால் வாரியத்தில் உதவி என்ஜினீயர் வேலை
தமிழ்நாடு குடிநீர் வடிகால் வாரியத்தில் உதவி என்ஜினீயர் பணியில் சேர விரும்புவோர் சிவில், மெக்கானிக்கல் பாடப்பிரிவுகளில் பி.இ/ பி.டெக் பட்டம் பெற்றிருக்க வேண்டும். பொது சுகாதாரப் பிரிவில் முதுகலை பட்டயப்படிப்பு படித்தவர்களுக்கு முன்னுரிமை வழங்கப்படும். இந்த ஆண்டு ஜூலை முதல் தேதி நிலவரப்படி, பொதுப் பிரிவினர்கள் 30 வயதிற்குட்பட்டவர்களாக இருக்க வேண்டும். அரசு விதிமுறைகளின்படி, வயது வரம்பில் விலக்கு அளிக்கப்படும். அதாவது ஓ.பி.சி பிரிவினருக்கு மூன்று ஆண்டுகளும், தாழ்த்தப்பட்டோர்/ பழங்குடியினருக்கு ஐந்து ஆண்டுகளும் வழங்கப்படும்.
காலியிடங்கள்: 100
ஆன்லைனில் விண்ணப்பிக்க கடைசி தேதி: 31.10.2015
விவரங்களுக்கு: www.twadrecruitment.net
தமிழ்நாடு அரசுக் கல்லூரி விடுதிகளில் சமையலர் வேலை
சென்னை மாவட்டத்தில் பிற்படுத்தப்பட்டோர், மிகவும் பிற்படுத்தப்பட்டோர், சிறுபான்மையினர் நலத் துறையின் சார்பில் நடத்தப்படும் மாணவர் விடுதிகளில் சமையலர் பணிகளுக்கு விண்ணப்பிக்கலாம். விண்ணப்பதாரர்கள் தமிழில் எழுத படிக்கத் தெரிந்திருக்க வேண்டும். சைவ-அசைவ உணவு வகைகள் சமைக்கத் தெரிந்திருக்க வேண்டும். சென்னையில் வசிப்பவர்களுக்கு முன்னுரிமை வழங்கப்படும். ஆண் சமையலருக்கு 10 இடங்களும், பெண் சமையலருக்கு 5 இடங்களும் உள்ளன.
விண்ணப்பிப்பது எப்படி?.
விண்ணப்பதாரர்கள் தங்களது சுயவிவரங்களைப் பூர்த்தி செய்து, பிற்படுத்தப்பட்டோர், சிறுபான்மையினர் நல அலுவலகம், 2 வது தளம், சிங்காரவேலர் மாளிகை, மாவட்ட ஆட்சியர் அலுவலகம், சென்னை-1 என்கிற முகவரிக்கு 30.10.2015, மாலை 5 மணிக்குள் அனுப்பி வைக்க வேண்டும்.
இந்திய கடற்படையின் சென்னை பிரிவில் அப்ரண்டீஸ் பயிற்சி
சென்னையில் இயங்கி வரும் இந்திய கடற்படையின் Base Maintenance பிரிவில் அப்ரண்டீஸ் பயிற்சி சேர விரும்புவோர் ஃபிட்டர், இன்ஸ்ட்ரூமென்ட் ஃபிட்டர், டீசல் மெக்கானிக், பிளம்பர், கார்பென்டர் பாடப்பிரிவுகளில் ஐ.டி.ஐ சான்றிதழ் பெற்றிருக்க வேண்டும். 21 வயதிற்குட்பட்டவர்களாக இருக்க வேண்டும்.
விண்ணப்பதாரர்கள் பத்தாம் வகுப்பு, பனிரெண்டாம் வகுப்பு அல்லது ஐ.டி.ஐ மதிப்பெண் சான்றிதழ் மற்றும் சாதிச் சான்றிதழின் நகலை கையொப்பத்துடன் இரண்டு செட் மற்றும் ஒரிஜினல் சான்றிதழையும் கீழே கொடுக்கப்பட்டுள்ள முகவரியில் நேர்முகத் தேர்வுக்கு செல்ல வேண்டும்.
முகவரி: Office of the Officer-in-Charge, Base Maintenance unit (Chennai), 56 Suryanarayan Street, Kasimedu, Royapuram, Chennai – 600013
மாற்றுத்திறனாளிகளுக்கு பி.எஸ்.என்.எல் நிறுவனத்தில் வேலை
தமிழ்நாட்டில் இயங்கி வரும் பாரத் சஞ்சார் நிகாம் லிமிடெட் நிறுவனத்தில் ஜூனியர் அக்கவுண்ட்ஸ் ஆபீசர் பணியில் சேர விரும்பும் மாற்றுத்திறனாளிகள் விண்ணப்பிக்கலாம். எம்.காம் அல்லது சி.ஏ அல்லது ஐ.சி.டபுள்யூ.ஏ தேர்ச்சி பெற்றிருக்க வேண்டும். 30 வயதிற்குட்பட்டவர்களாக இருக்க வேண்டும்.
ஆன்லைனில் விண்ணப்பிக்க கடைசி தேதி: 10.12.2015
விவரங்களுக்கு: www.externalexam.bsnl.co.in
கொச்சின் போர்ட் டிரஸ்ட் நிறுவனத்தில் ஜூனியர் என்ஜினீயர் வேலை
கொச்சின் போர்ட் டிரஸ்ட் நிறுவனத்தில் ஜூனியர் என்ஜினீயர் பணியில் சேர விரும்புவோர் சிவில் துறையில் பி.இ/ பி.டெக் படித்திருக்க வேண்டும். 30 வயதிற்குட்பட்டவர்களாக இருக்க வேண்டும்.
விண்ணப்பங்களை அனுப்ப கடைசி தேதி: 31.10.2015
விவரங்களுக்கு: www.cochinport.gov.in
தமிழ்நாடு மத்திய பல்கலைக்கழகத்தில் பேராசிரியர், உதவிப் பேராசிரியர், இணைப் பேராசிரியர் பணி
திருவாரூரில் இயங்கி வரும் தமிழ்நாடு மத்திய பல்கலைக்கழகத்தில் பேராசிரியர், உதவிப்பேராசிரியர், இணைப்பேராசிரியர் பணிகளில் சேர விரும்புபவர்கள் விண்ணப்பிக்கலாம். வேதியியல், கம்ப்யூட்டர் சயின்ஸ், எக்னாமிக்ஸ், ஆங்கிலம், ஹிந்தி, லைஃப் சயின்ஸ், மெட்டீரியல் சயின்ஸ், கணிதம், இயற்பியல், தமிழ், Social Work, Music & Fine arts, மீடியா & மாஸ் கம்யூனிகேஷன் பாடப்பிரிவுகளில் யூ.ஜி.சி நடைமுறைப்படி பட்டம் பெற்றிருக்க வேண்டும். 35 வயதிற்குட்பட்டவர்களாக இருக்க வேண்டும்.
விண்ணப்பங்களை அனுப்ப கடைசி தேதி: 14.11.2015
விவரங்களுக்கு: www.cutn.ac.in
No comments:
Post a Comment